|
جاری ايلين خرداد آيی نين اورتالاريندا واشنگتون شهرينده اؤلمز شاعريميز
نظامی گنجوی نين سککيز يوز اللی ايلليگی قئيد اولوندو. گؤزه ل طنطنه ايله
قورولان بو مراسمده ايرانلی و آمريکالی نظامی شناسلار و عالملر طرفيندن
اولو نظامی نين ادبی شخصيتی و ائله جه ده بيزه يادگار قويوب گئتدگی ادبی
ارثی، هر طرفلی صورتده آراشديريليب اونون شعرلريندن اولونموش ترجمه لر و
هابئله اونون قونشو ادبياتلارداکی تاثيريندن دانيشيلدی. بو مراسمده دوکتور
عبدالحسين زرين کوب، دوکتور جعفر محجوب و دوکتور رضا قانون پرور، آلتی نجی
عصرين اولو شــاعری نظامی گنجوینين ياراديجيليقی حاققيندا اؤز
آراشديرمالاری نين نتيجه لرينی اوخودولار... |
